公開試殺到, 擔心當然無可避免, 但係又係唔係代表可以完全脫離自己以往既軀殼?

老老實實, 近排見到唔少人變左: 唔係性格, 而係個人情操。一批人好似能夠將大事化小, 小事繼而化灰, 更莫講話係生活上面既小點滴。我笑, 係因為我想其他人知道: 平日有好多地方都值得會心而笑, 我又哪怕換來既只係單純一絲微笑? 問心果句, 您有幾耐冇真正感受到由心既喜悅? 我可以話你知, 果種感覺即使測驗考試滿分都唔能夠媲美。

我唔知應該點表達, 只不過有d野真係十五十六, 唔講唔舒服。有時見到d人以為自己好有批判性, 我好想大叫: 好嘔心、有時見到d人鑽牛角尖解決問題, 然後擺出一副滿足且不可一世既樣, 我好想大叫: 好嘔心, 睇緊文章既你究竟知唔知我真係差d五臟六腑逐舊逐鞱舊嘔左出黎?

每日將自己困嚮一個似是而非既密室裡面, 我真係接受唔到。

如果改變自己可以獲得好成績, 我寧願做返自己, 所以我唔會寒窗苦讀。

如果能夠選擇, 我好想返返細個無功利既世界, 所以我情願花更多時間接觸唔同既人, 起碼可以因為避免直接競爭而無視每人戴上既假面具。

順帶一提, 我真係好開心可以識到身邊既每一個您, 您又有冇咁樣諗過? 縱使係facebook上誤打亂撞而認識既每一個您, 我都因為您願意接納我介入您生活, 作為生命中既一點點綴而歡悅, 多謝您地。

講起朋友同玩伴, 你又有冇諗過我係你既朋友定玩伴? 兩樣都係果種垃圾答案就免了, 不過what i just want to express既係如果你當我係玩伴, 我諗我地都係BYEBYE啦, 我只需要前者, 更加需要即使二人獨處、一言不發都唔覺尷尬既朋友。

我都唔知自己打緊d乜, 成篇野都好混亂, 我冇咩心情plan住打d咩, 只係諗到就打。隨便諗、隨便打、隨諗便打咁打諗埋佢。

我唔信神, 唔信佛, 我信既只有自己, 第二就係朋友, 而首次位既分別就係在於心事只有我自己知。其實有好多野我都想同朋友講, 但係我需要既只係一個, 真真正正一個交心既朋友, 可惜我認為呢個角色未出現, 所以一直都有好多野累積嚮我心入面。話時話, 唔開心果時我真係feel到心臟個位好酸, 其實係唔係d咩chemicals影響到? 事實上我唔係你地所見到咁樂觀, 笑得投入d唔通就代表我開心d? 我唔認同, 只係有別於大家思考既角度姐。我笑緊果陣, 問我笑d咩我會更加開心, 因為你想同我一齊分享喜悅, 不過唔該千祈唔好黑口黑面同我講叫我唔好嘈、唔好笑, 我平日好少同人反面, 積埋積埋d怨氣一下爆發起黎, 我諗反面之餘, 重會反埋檯。

有時攤嚮張床到, 諗返自己至今有過d咩、得過d咩值得回味, 又有d咩人不可或失, 想搵一個人分享喜悅、想搵一個人分擔悲哀, 睜眼一看, 身邊既只係一d公仔 - 一d我將佢地當成好朋友既公仔, 最耐歷史果隻keroppi陪左我18年, 比我叫足咁多年青蛙仔, 亦都聽左我講唔少心事, 真係會流幾滴眼淚。點解冇人睇到我幾時擺出既係假笑容呢? 我諗呢方面既野足夠令我獲頒金馬獎。

最後, 我好自私。如果能夠預知未來, 假如我未來既生活開心, 我會選擇活得耐一d、但係假如未來既生活有一連串不幸, 我會選擇死亡, 仲要係即時死亡果隻, 我接受唔到連串既打擊。後者應該係好幼稚既諗法, 不過我認真講既。

為左我嚮呢到講一兩句, 我會好開心; 不過如果係嘗試嚮我身上搏攞d咩彩就免了, 我得閒, 但係仍不至於有呢種閒情, 只能贈上三個字, 收皮啦。

我決定好了!
咁多社工只係水泡, 真正要入既係accountancy!

未來既我身為專業會計師, 型棍地著西裝嚮中環返工, 受萬人敬仰; 月入過100k, 不憂柴米, 隻身獨霸以千尺為單位既豪宅, 屋企有個無敵露台可以請朋友返黎BBQ, 有個無敵雪櫃可以裝好多野食, 同埋有張超級軟林林既太空綿高床, 感受富豪式生活!

別人笑我太瘋癲, 我笑他(媽的)人看不穿!
東方不敗, 王者之風!
血染東方一片紅!
遇人殺之, 遇佛諸之, 無一爭鋒!
殊途不見同歸! 只見我得成功! 唔係try我個胸!
天下唯我稱尊!!